BQO: Qazaqstan men Reseı shekarasynda 365 júk kóligi turyp qaldy
BQO memlekettik kirister departamentiniń baspasóz qyzmeti málim etkenindeı, Qazaqstan aýmaǵyndaǵy «Syrym» keden beketinde kezek joq.
Avtokólik keptelisi reseılik «Mashtakov» avtomobıl ótkizý beketinde júk kólikterin tolyq qaraýdan ótkizý úshin tehnologııalyq ótýdiń mindetti túrde bolýy talap etiledi. Ol bolmaǵan jaǵdaıda RF Shekara qyzmeti júrgizýshiden tirkemeden júktiń bir bóligin túsirýdi talap etedi. Osylaısha ár júk kóligin qaraý úshin orta eseppen 40 mınýt ýaqyt ketedi.
Sonymen qatar Reseı Shekara qyzmeti júk quralynyń saqtandyrý polısi, júrgizýshiniń kartochkasy, sertıfıkattar syndy qujattardy tekseredi.
«Syrym» jáne «Mashtakov» beketterinen kedergisiz ótý úshin tehnologııalyq ótý jabdyǵy sharttaryn saqtaý qajettigine júk kólikteri júrgizýshileriniń nazaryn aýdarǵymyz keledi. Sonymen qatar kólik keptelisi bolmas úshin halyqaralyq júk tasymaldaýshylarǵa qatysty talaptar saqtalyp, avtomobıl men júkke tıisti qujattar bolýy tıis. Syrtqy ekonomıkalyq qyzmetke qatysýshylar jolǵa shyǵar aldynda Reseımen shekaradaǵy qozǵalys baǵytyn naqtylap alǵany jón», dedi BQO memlekettik kirister departamenti túsindirý jumystary jónindegi bóliminiń basshysy Aıman Qýanova.
Qazaqstan men Reseı shekarasynda osyndaı kólik keptelisi budan buryn da oryn alǵan edi.
Eske sala keteıik, budan buryn BQO turǵynynyń jedel járdem kóligin urlap minip, qorshaýǵa soǵylǵanyn jazǵan edik.
