BQO kásiporyndary jumysshylaryna 56 mln teńge qaryz
ORAL. QazAqparat - Batys Qazaqstan oblysynda alty kásiporyn 159 qyzmetkerine 56,035 mln teńgege jalaqy qaryz bolyp otyr. Bul týraly búgin óńirlik kommýnıkatsııalar qyzmetinde BQO boıynsha eńbek ıspektsııasy basqarmasynyń basshysy Azamat Aıtýev málim etti, dep habarlaıdy QazAqparat tilshisi.
Onyń aıtýynsha, sonyń ishinde bankrot bolǵan úsh kásiporynnyń 20 qyzmetkerge bereshegi - 25,871 mln teńge. Sondaı-aq sot oryndaýshylary 40 qyzmetkerge 4,393 mln teńge qaryzdar bolyp otyrǵan 1 kásiporynǵa qatysty atqarýshylyq óndirisin qozǵady. Oǵan qosa 2 kásiporynnyń 99 qyzmetkerge aǵymdaǵy bereshegi 25,771 mln teńgege jetken.
«Ókiletti organdar qabyldaǵan keshendi sharalar nátıjesinde jyl basynan beri 91 mekeme-uıymnyń 351 qyzmetker aldyndaǵy 77,047 mln teńge bereshegi óteldi. 28 uıǵarym berilip, 19 jumys berýshi 3,078 mln teńgege ákimshilik jaýapkershilikke tartyldy», dedi A.Aıtýev.
Aıta keteıik, jalpy tekserister nátıjesinde zańbuzýshylyqtardy joıý týraly 118 (ótken jyly osy merzimde - 80) nusqama berilse, sonyń ishinde eńbek qatynastary boıynsha - 82 (53), eńbek qaýipsizdigi jáne eńbekti qorǵaý boıynsha - 22 (8), halyqty jumyspen qamtý boıynsha - 14 (9). Zańbuzýshylyqtarǵa jol bergeni úshin 25 (27) tulǵa ákimshilik jaýapqa tartylyp, olarǵa 4,088 (3,993) mln teńge aıyppul salyndy.
