BQO: Qaratóbe aýdanynda ataqty palýan E.Dosqalıevti eske alýǵa arnalǵan týrnır ótýde
Qaratóbe aýdanynyń ákimi, belgili sportshy, QR eńbek sińirgen sport sheberi, sambodan úsh dúrkin álem chempıony, qos márte álem kýbogynyń ıegeri, deıýdodan álem birinshiliginiń qola júldegeri Ashat Shaharovtyń qoldaýymen bıyl ekinshi ret uıymdastyrylyp otyrǵan dodaǵa Qyzylorda, Ońtústik Qazaqstan, Mańǵystaý, Atyraý, Aqtóbe oblystarynan jáne Oral qalasy men Batys Qazaqstannyń toǵyz aýdanynan barlyǵy 135 palýan qatysyp, 55, 60, 66, 74, 82, 90, 100, +100 keli jáne absolıýttik salmaq dárejesi boıynsha baq synaýda. Týrnırdiń «túıe palýany» atanǵan sportshyǵa 250 myń teńge tigilip otyr. Bıylǵy jarystyń ereksheligi, jeńimpaz-júldegerlerge syılyqqa qosa QR sport sheberine úmitker ataǵy berilmekshi.
Sharaǵa Eńsep Dosqalıevtiń Almaty, Taraz qalasynda turatyn urpaqtary qonaq retinde keldi.
Eske sala keteıik, qazaq kúresinen Semeı qalasynda 1939 jyly respýblıkanyń tuńǵysh absolıýtti chempıony atanǵan, keıin Uly Otan soǵysynda erlikpen qaza tapqan Eńsep Dosqalıevti eske alýǵa arnalǵan respýblıkalyq deńgeıdegi jarys ótken jylǵy tamyzda Qaratóbe aýdanynda alǵash ret uıymdastyrylyp, onyń bas júldesin shyǵysqazaqstandyq palýan, «Qazaqstan barysy» týrnıriniń 2013 jylǵy jeńimpazy Aıbek Nuǵymarov jeńip alǵan bolatyn.