BQO: Qarashyǵanaq ken ornyna 10 mln teńge shyǵyn keltirgen kúdikti ustaldy
Batys Qazaqstan oblysy Bórli aýdanynda Qarashyǵanaq ken ornyna 10 mln astam teńge shyǵyn keltirgen kúdikti ustaldy, dep habarlaıdy Kazinform.
BQO polıtsııa departamentiniń baspasóz qyzmetinen málim etkenindeı, jumysshy gaz kondensaty ken ornynyń aýmaǵynan tústi metaldardy urlaýmen aınalysqan.
Bórli aýdany polıtsııa bólimine «QPO b.v.» kompanııasynan qashyqtaǵy monıfold stantsııasynan (RMS) belgisiz adamdardyń 2023 jylǵy 7 qarashadan 8-ine qaraǵan túni Qarashyǵanaq gaz kondensaty ken ornynyń aýmaǵynda ártúrli qımadaǵy jerge qosý kabelderin (70 mm2 – 230 metr, 50 mm2-120 metr, 25 mm2 – 20 metr, 16 mm2 – 20 metr) jymqyrý faktisi boıynsha aryz kelip tústi.
Departamenttiń málimeti boıynsha atalǵan urlyqqa qatysy bar kýágerler men adamdardy anyqtaý boıynsha jedel izdestirý is-sharalary barysynda «QPO b.v.», sondaı-aq ken ornymen baılanysty basqa da kompanııalar qyzmetkerlerinen jaýap alyndy.
«Bórli aýdany polıtsııa bólimi krımınaldyq polıtsııasynyń qyzmetkerleri Qarashyǵanaq gaz kondensaty ken ornynyń qaýipsizdik qyzmetimen birlesip, osy qylmysty jasaǵan kúdiktini anyqtap, qolǵa túsirdi. Ol ken ornyna qyzmet kórsetetin merdigerlik uıymda jumys istegen Aqsaı qalasynyń 38 jastaǵy turǵyny bolyp shyqty. Kúdiktiniń turǵylyqty jeri boıynsha sanktsııalanǵan tintý júrgizý kezinde onyń úıinen jáne sharýashylyq qurylystarynan mynadaı zattar tabylyp, tárkilendi: jylytý kabeliniń 8 shyǵanaǵy (166 metr, 141 M., 269 M., 305 m., 80 m., 130 m., 96 M., 73 m.), 207 kabelderdi jalǵaý mýftasy, 45 dana kabeldi qosý qoraby, 11 qorap arnaıy oqshaýlaǵysh, 3 sandyq mýltımetr, qalyń symdy kabelderge arnalǵan 1 keskish, uzyndyǵy 1 m mys qýat kabeliniń 20 segmenti, qımasy bar 20 metr mys kabeli 4*10, uzyndyǵy 40-60 metr kúshtik mys kabeliniń 41 segmenti, 1 qýat kózi. Oǵan qosa 45 myń teńge aqshalaı qarajat alyndy. Shyǵyn kólemi shamamen 10 mln teńgeden asady. Kúdiktige qatysty QR QK-niń 188-baby 3-bóligi (urlyq) boıynsha sotqa deıingi tergeý jumystary bastaldy. Onyń osyǵan uqsas qylmystarǵa qatysynyń bar-joǵy anyqtalyp jatyr», - dep habarlady vedomstvodan.
