BQO kámeletke tolmaǵandar isi jónindegi mamandandyrylǵan aýdanaralyq soty úzdikter qatarynda
ORAL. 4 qańtar. QazAqparat - BQO kámeletke tolmaǵandar isi jónindegi mamandandyrylǵan aýdanaralyq soty Qazaqstan Sýdıalar odaǵy uıymdastyrǵan respýblıkalyq baıqaýda «2012 jyldyń úzdik aýdandyq soty» atalymy boıynsha úzdik atandy.
Oblystyq sottyń baspasóz qyzmetinen habarlaǵanyndaı, atalmysh sot jylǵa tolmaıtyn ýaqyt ishinde kóp is tyndyrdy. Bul sot tóraıymy bolyp ótken jylǵy 12 naýryzda Elbasy Jarlyǵymen Máskeý memlekettik zań akademııasynyń túlegi, sýdıalyq qyzmette 15 jyldan astam tájirıbesi bar Farıda Qurmanova taǵaıyndalǵan bolatyn. Osy ýaqyt ishinde jasóspirimder isi jónindegi sotqa 46 qylmystyq is túsip, sonyń 39-y boıynsha is óndirisi aıaqtaldy. Sondaı-aq 136 azamattyq istiń 92-si qaraldy. Óndiriske túsken 86 ákimshilik istiń 65-i márege jetti.
