BQO: Internette óltirilgen áıeldiń jalańash sýretin taratqandar izdestirilýde
ASTANA. QazAqparat - Batys Qazaqstan oblysynda alty polıtseı áleýmettik jelige qylmystyq is materıaldaryn taratqany úshin jazaǵa tartyldy. Qazirgi tańda BQO ІІD Ózindik qaýipsizdik basqarmasy Іshki ister basqarmasynyń mańynan tabylǵan óli áıeldiń sýretin taratý faktisi boıynsha tergeý júrgizip jatyr, dep habarlaıdy «Moı GOROD» portaly.
BQO ІІD bastyǵynyń orynbasary Talǵat Ahaevtyń aıtýynsha, 2017-2018 jyldary áleýmettik jelige materıaldar taratqany úshin 6 polıtsııa qyzmetkeri tártiptik jaýapqa tartylǵan.
«Qazir ІІD-niń Ózindik qaýipsizdik basqarmasy 18 naýryz kúni óltirilgen áıeldiń sýretin taratý faktisi boıynsha qyzmettik tergeý júrgizýde. Ony kim sýretke túsirip, taratqany anyqtalyp jatyr. Sondaı-aq, Oral-Aqsaı tasjolynda «Aýdı» kóligimen soqtyǵysqan patrýldik avtokóliktiń beınetirkegishindegi vıdeolardy áleýmettik jelige taratý faktisi boıynsha tergeý júrgizildi. Onyń qorytyndysy boıynsha jergilikti polıtsııa qyzmetiniń eki qyzmetkeri tártiptik jaýapqa tartyldy», - dep málim etti Talǵat Ahaev.
Sońǵy ýaqytta áleýmettik jelilerde qylmystyq is materıaldarynyń polıtsııa qyzmetkerlerine ǵana málim derekteri paıda bola bastady. 19 naýryz kúni túngi klýbtan keıin óltirilgen jalańash áıeldiń sýretteri bútin elge tarady. Sondaı-aq 1 naýryzda Oral-Aqsaı tasjolynda patrýldik mashına sheteldik kólikpen soqtyǵysyp, 2 naýryzda qaznette jol apatyna túsken patrýldik mashınanyń beınetirkegishindegi vıdeolar jarııalandy.
