BQO: E.Dosqalıev týrnırinde qyzylordalyq palýan jeńimpaz atandy
ORAL. QazAqparat - Qaratóbe aýdanynda qazaq kúresinen Qazaqstannyń tuńǵysh absolıýtti chempıony, Uly Otan soǵysy kezinde erlikpen qaza tapqan Eńsep Dosqalıevti eske alýǵa arnalǵan respýblıkalyq týrnır márege jetti.
Aıtýly dodada absolıýtti salmaq dárejesinde fınalda qyzylordalyq Aıbek Serikbaev pen shymkenttik Ádiljan Ystybaev beldesti. Úsh mınýtta qarsylasyn taza jeńgen A.Serikbaev chempıon atanyp, «túıe palýanǵa» tigilgen 250 myń teńgeni utyp aldy. Batys Qazaqstannyń Bórli aýdanynan kelgen Temirlan Kólbaı úshinshi oryndy ıelendi. Sonymen qatar 55, 60, 66, 74, 82, 90, 100, +100 keli salmaq dárejeleri boıynsha jeńimpaz-júldegerler anyqtaldy. Olarǵa da dıplomdar men baǵaly syılyqtar tapsyryldy.
Aıta keteıik, atalmysh jarys aýdan ákimi, ataqty sportshy Ashat Shaharovtyń bastamasymen bıyl ekinshi ret uıymdastyryldy.
