BQO-daǵy jol sapasy respýblıkalyq reıtıngide sońǵy orynda
«Batys Qazaqstan oblysyndaǵy joldardyń 71,3% jóndeýdi talap etedi. Bul – 2018 jylǵy jaǵdaı boıynsha óńirler arasyndaǵy eń úlken kórsetkish. Batys Qazaqstan oblysyndaǵy jergilikti mańyzǵa ıe avtomobıl joldarynyń jalpy uzyndyǵy 5 104 shaqyrym. Onyń tek 28,7% eksplýatatsııalyq talaptarǵa saı», delingen habarlamada.
Al elimizdegi eń jaqsy joldar Mańǵystaý oblysyna tıesili. Munda oblystyq jáne aýdandyq mańyzy bar avtomobıl joldarynyń 92% jaqsy jáne qanaǵattanarlyq jaǵdaıda. Aıta keteıik, Mańǵystaý oblysyndaǵy jergilikti jol jelisiniń uzyndyǵy 1 406 shaqyrym. Bul Batys Qazaqstan oblysyndaǵy jergilikti joldardyń jalpy uzyndyǵynan 4 ese kem. Aıta keteıik, «Nurly jol 2020-2025» memlekettik baǵdarlamasyna sáıkes QR IIDM bir jylda óńirlerdegi joldardyń shamamen 5 myń shaqyrymyn jóndeıdi.
Eske sala ketsek, elimizde jergilikti jol jelisiniń jalpy uzyndyǵy 71,2 myń shaqyrym. Búgingi tańda oblystyq jáne aýdandyq mańyzy bar joldardyń 71 % jaqsy jaǵdaıda. Aldaǵy 5 jyl ishinde atalmysh kórsetkish 95% deıin jetkizilmek.
