BQO-daǵy jol apatynan úsh adam qaza taýyp, toǵyzy aýrýhanaǵa jetkizildi
ORAL. QazAqparat - 2 maýsym kúni saǵat 18.30 shamasynda Oral-Aqsaı kúre jolynyń 77-shaqyrymynda, Dolınnyı men Bórli aýyldarynyń ortasynda qos birdeı «Folksvagen Sharan» avtokóligi soqtyǵysqan, dep habarlaıdy «QazAqparat» tilshisi.
Eki kólikte barlyǵy 12 adam bolsa, sonyń úsheýi (1 er, 2 áıel adam) kóz jumǵan. Memlekettik nómiri 106DAA07, qyzyl tústi avtokóliktiń júrgizýshisi men jolaýshysy oqıǵa ornynda qaza bolǵan. Sondaı-aq kók tústi «Folksvagen Sharan» avtokóliginde (nómiri 163ELA07) otyrǵan taǵy bir jolaýshy jol ústinde jan tapsyrǵan. Toǵyz adam Aqsaı qalasyndaǵy aýdandyq aýrýhanaǵa jetkizilip, medıtsınalyq járdem kórsetilgen.
Aýrýhananyń bas dárigeri Jumabek Shaıhıevtiń sózine qaraǵanda, jolaýshylardyń biriniń ish qurylysyna ota jasalǵan, jaǵdaıy aýyr, jansaqtaý bóliminde jatyr. Qalǵandary dárigerdiń baqylaýynda.
Qazirgi kezde oqıǵanyń jaı-japsary anyqtalý ústinde.
