BQO-daǵy jol apatynan eki aılyq sábı kóz jumdy
ORAL. QazAqparat – Batys Qazaqstan oblysynda bolǵan jol apatynan keıin eki aılyq sábı de kóz jumdy, dep habarlaıdy QazAqparat tilshisi.
Budan buryn habaraǵandaı, Jańaqala aýdanynda bolǵan jol apatynda 4 adam qaza tapqan bolatyn.
BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaǵanyndaı, jol apatynan barlyǵy 13 adam zardap shekti.
«Solardyń jeteýi – balalar. 71 jastaǵy áıel adam oqıǵa ornynda dúnıeden ozdy. 12-si aýdandyq aýrýhanaǵa jetkizilgenimen, alǵan jaraqattary saldarynan 7 jasar bala, 34 jastaǵy er adam men 26 jastaǵy áıel qabyldaý bóliminde qaıtys boldy. Qaladan kelgen sanavıatsııa dárigerleri eki aılyq sábıdiń bas mıyna ota jasady. Alaıda ol otadan keıin kóz jumdy. 3 naýqas, sonyń ishinde 1 bala Aqjaıyq aýdandyq ortalyq aýrýhanasyna, 2 bala oblystyq kópbeıindi balalar aýrýhanasyna jiberildi. Qazirgi tańda Jańaqala aýdandyq aýrýhanasynda 17 jasar qyz bala, eki eresek adam em alýda. Olardyń jaǵdaıy ortasha aýyr, turaqty», dedi QazAqparat tilshisine A.Saqposynova.
Kýágerlerdiń sózine qaraǵanda, kóz jumǵan adamdar - Qaztalov aýdany Qarasý aýylynyń turǵyndary.
Eske sala keteıik, budan buryn Batys Qazaqstanda avtokólik aýdarylyp, 31 jastaǵy jolaýshynyń mert bolǵanyn, Oralda júrgizýshi quqyǵynan aıyrylǵan adam taǵy da mas kúıinde jol apatyn jasaǵanyn jazǵan edik.
