BQO-daǵy jol apaty: Tórtinshi adam kóz jumdy
ORAL. QazAqparat – Batys Qazaqstan oblysynda bolǵan jol apatynan taǵy bir adam kóz jumdy, dep habarlaıdy QazAqparat tilshisi.
Budan buryn jazǵanymyzdaı, Qaztalov aýdanynda 29 qarasha kúni «Volga» men «Lada Granta» avtokólikteri soqtyǵysyp, úsh adam qaza tapqan edi.
Oblystyq densaýlyq saqtaý basqarmasy baspasóz qyzmetiniń habarlaýynsha, jol apaty saldarynan aýrýhanaǵa barar jolda «Volga» kóliginiń 69 jastaǵy júrgizýshisi de qaıtys boldy. 17 jastaǵy jasóspirim oblystyq kópbeıindi aýrýhanaǵa jetkizildi. 27 jastaǵy áıel Qaztalov aýdandyq aýrýhanasynda es-tússiz kúıde, jaǵdaıy aýyr. Oraldan dárigerler brıgadasy kelgen soń ota jasaý nemese qalaǵa aparý máselesi sheshiletin bolady.
BQO polıtsııa departamentiniń baspasóz qyzmeti naqtylaǵanyndaı, atalǵan oqıǵa boıynsha QR QK 345-baby 4-bóligine sáıkes sotqa deıingi tergeý amaldary júrgizilýde.
