BQO-daǵy jol apaty: Taǵy bir adam kóz jumdy
ORAL. QazAqparat – Batys Qazaqstan oblysynda bolǵan jol apatynan keıin taǵy bir adam kóz jumdy, dep habarlaıdy QazAqparat tilshisi.
QazAqparat budan buryn jazǵanyndaı, 26 aqpan kúngi jol apatynan 4 adam qaza taýyp, altaýy aýrýhanaǵa jetkizilgen bolatyn.
BQO densaýlyq saqtaý basqarmasynyń baspasóz qyzmeti málim etkenindeı, Aqjaıyq aýdany Taıpaq aýylyndaǵy aýrýhanaǵa jetkizilgenderdiń ishinen 51 jastaǵy er adam kelesi kúni qaıtys boldy.
«Eki adam ambýlatorlyq em alýda. Úsh adam Chapaev aýylyndaǵy aýdandyq aýrýhananyń hırýrgııalyq bólimshesine aýystyryldy. Ota jasalǵan eki adam jansaqtaý bóliminde, jaǵdaılary aýyr. Jabyq bas jaraqatyn alǵan taǵy bireýi emdelýde», dep habarlady vedomstvodan.
