BQO-daǵy jol apaty: Bir adam qaza taýyp, ekeýi aýrýhanaǵa jetkizildi

ORAL. QazAqparat – Batys Qazaqstan oblysynda jol apatynan jolaýshy qaza taýyp, eki adam aýrýhanaǵa jetkizildi, dep habarlaıdy QazAqparat tilshisi.

BQO Polıtsııa departamentiniń baspasóz qyzmetinen málim etkenindeı, oqıǵa 20 aqpan kúni shamamen saǵat 08.00-de Oral-Atyraý jolynyń 207-shaqyrymynda boldy.

«Júrgizýshi «Toıota Alfard» avtokóligin basqara almaı, aýdarylyp qalýyna jol berdi. Jol apaty saldarynan eki adam Aqjaıyq aýdandyq ortalyq aýrýhanasyna jetkizildi. Jolaýshy - 1986 jyly týǵan azamat jaraqattary saldarynan jedel járdem kóliginde kóz jumdy. Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde. Birneshe saraptama taǵaıyndaldy», - dep habarlady vedomstvodan.

Eske sala keteıik, budan buryn Batys Qazaqstanda aýa raıynyń nasharlaýyna baılanysty joldar jabylǵanyn jazǵan bolatynbyz.