BQO-daǵy sý qoımasynan tyrysqaq bakterııasy tabyldy

ORAL. QazAqparat – Batys Qazaqstan oblysynda sý qoımalarynan alynǵan synamadan tyrysqaq tárizdes vıbrıon tabyldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń málim etkenindeı, oblys turǵyndarynan tyrysqaq anyqtalǵan joq.

Onyń aıtýynsha, jyl saıyn ótkir ishek juqpalary órshıtin kezeńde, mamyrdan bastap qazan aıyna deıin ashyq sýlardan tyrysqaq vıbrıonyna synama alynady.

«Tyrysqaq vıbrıondary patogendi jáne patogendi emes bolyp bólinedi, barlyǵy 150-deı túri bar. Mamyr aıynan bastap alynǵan 73 synamanyń 14-inen patogendi emes tyrysqaq tárizdes Vibrio cholerae non O1 tabyldy. Qazirgi kezde qaýipti derttiń aldyn alý maqsatynda kún saıyn monıorıng júrgizilýde. Sonymen qatar adamdar ózen-kólde shomylǵan kezde sýdy jutyp qoımaı, baıqaý kerek. Aýrý lastanǵan sýdan taralady. Eń bastysy, jeke bas gıgıenasyn saqtaý qajet», dedi QazAqparat tilshisine N.Mustaev.