BQO-daǵy Shalqar kóliniń sýy tartylyp barady
ORAL. QazAqparat - Batys Qazaqstan oblysynyń «injý-marjany» sanalatyn Shalqar kólinde eskekpen júzý qıynǵa soǵyp otyr, dep habarlaıdy QazAqparat 24.kz silteme jasap.
Sebebi oǵan ekologııalyq qater tónip tur. Oral qalasynan ońtústik-shyǵysqa qaraı 100 shaqyrym qashyqtyqta ornalasqan kóldiń sýy kúrt azaıyp ketti. Mamandardyń málimetinshe, 2 mıllıard tekshe metr sýdan qazir 1 jarym mıllard tekshe metr qalǵan. Uzyndyǵy 18,5, eni 15 shaqyrymdyq kóldiń eni keı jerlerde 2 shaqyrymǵa deıin tartylǵan. Kókserke, taban sııaqty balyq tuqymdary múlde joıylyp ketken. Sazan men shortan balyqtary quryp ketýdiń az-aq aldynda tur. Osyǵan baılanysty oblysta arnaıy komıssııa qurylyp, kóldiń jaǵdaıyn kózben kórip qaıtty.
«Sý azaıǵandyǵy, jalpy kóldegi sýdyń tuzy kóterilýi, baldyr basyp sýdyń jasyl túske boıalýy sekildi kóptegen ekologııalyq máseleler bar. Shalqar kóliniń jaǵdaıyn jaqsartý úshin ǵylymı negizdeme jasaýymyz kerek. Ǵylymı-bıologııalyq negizdeme jasaý úshin oblystyq bıýdjetten qarjy bóledi. Ol negizdeme ǵalymdardyń eńbegimen jasalady»,-dedi oblystyq tabıǵı resýrstar basqarmasy basshysynyń orynbasary Mahambet Yqsanǵalı.
