BQO-daǵy kúshti jel 14 ǵımarattyń shatyryn julyp áketti
ORAL. QazAqparat - Batys Qazaqstan oblysyndaǵy kúshti jel 14 ǵımarattyń shatyryn julyp áketti, dep habarlaıdy QazAqparat tilshisi.
TJ jónindegi komıtettiń baspasóz qyzmetinen túsken málimetke qaraǵanda, Oral qalasynda jeti ǵımaratqa zııan kelgen. Bular - oblystyq balalar aýrýhanasy, №43 jáne №45 orta mektepter, A.Imanov atyndaǵy jol-kólik kolledji, «Ámına» toıhanasy, «Jaıyqjylýqýat» AQ-nyń eki jylytý pýnkti. Zelenov aýdanynda Darııan aýylyndaǵy aýdandyq aýrýhana men Shalǵaı, ıAnvartsev aýyldaryndaǵy orta mektep ǵımarattarynyń shatyry ushqan. Jánibek aýdanynda M.Yqsanov atyndaǵy kolledjge sondaı zalal keldi. 
BQO TJ departamentiniń naqtylaýynsha, keshe keshkisin Oralda jeldiń ekpini sekýndyna 21 metrge jetip, «Jaıyqjylqýat» AQ-nyń Derkól aýylyndaǵy jylytý pýnktiniń aýmaǵy 80 sharshy metr bolatyn shatyry qulaǵan. Al D.Qonaev atyndaǵy shaǵyn aýdandaǵy osyndaı jylytý pýnktiniń ushqan shatyry 100 sharshy metrdi quraǵan. 
Qalaǵa qarasty Jelaev aýylyndaǵy óndiristik bazada qoımanyń 500 sharshy metr qalqasy qulaǵan.
Saǵat túngi 23.00-de Zelenov aýdany ortalyǵy Peremetnyı aýylynda kolledjdiń 50 sharshy metr shatyry ushqan. 
Jergilikti oryndarda arnaıy komıssııalar jumys jasaýda.
Eske sala keteıik, qatty jeldiń saldarynan 10 jasar qyz ben 37 jasar er adamnyń zardap shekkenin buǵan deıin jazǵan bolatynbyz. Olardyń ekeýi de keıin úılerine jiberildi.
