BQO-daǵy bilim berý bóliminiń basshysy para alý kúdigine ilindi

NUR-SULTAN. QazAqparat - Batys Qazaqstan oblysynyń sybaılas jemqorlyqqa qarsy qyzmeti «BQO Shyńǵyrlaý aýdanynyń bilim bólimi» MM basshysyna qatysty para aldy degen kúdik boıynsha sotqa deıingi tergeýdi bastady, dep habarlaıdy QazAqparat.

«Ol Shyńǵyrlaý aýdanynyń bilim bóliminiń jáne orta bilim berý mektepteriniń ǵımarattaryn kúrdeli jóndeý boıynsha oryndalǵan jumystar aktilerine kedergisiz qol qoıǵany úshin jeke kásipkerden 1 mln 960 myń teńge kóleminde para aldy dep kúdikke ilindi. Kúdikti QR QPK-niń 128-baby tártibinde ustalyp, BQO Polıtsııa departamentiniń Oral qalalyq Polıtsııa basqarmasynyń ýaqytsha ustaý ızolıatoryna qamaldy. Bultartpaý sharasyn tańdaý týraly másele sheshilýde», - delingen Sybaılas jemqorlyqqa qarsy is-qımyl agenttiginiń málimetinde.

Kúdiktige qatysty túpkilikti sheshimdi onyń kinásiniń deńgeıin anyqtaý arqyly sot qabyldaıtyn bolady.