BQO-daǵy ushqyshsyz apparat apatyna qatysty tergeý júrip jatyr – SІM

ASTANA. KAZINFORM — Jyl basynan beri Batys Qazaqstan oblysy aýmaǵynda ushqyshsyz ushatyn apparattyń birneshe qulaý faktisi tirkeldi. Atalǵan jaǵdaıdyń mán-jaıyn Syrtqy ister mınıstrliginen suraǵan edik. 

— BQO aýmaǵyndaǵy jaǵdaıǵa qatysty tergeý júrgizilip jatyr. Tehnıkalyq máseleler qaralyp jatyr, ıaǵnı apparat qaıdan ushty, qaıda qulady jáne kimge tıesili. Quzyrly organdar men tehnıkalyq mamandar zerttep, anyqtaıdy. Keıin belgili bolady, — dedi  Syrtqy ister mınıstriniń orynbasary Álibek Qýantyrov Májilis qabyrǵasynda BAQ ókilderiniń saýalyna jaýap bere turyp.

Eske sala ketsek, bıyl aqpanda BQO aýmaǵyna ushqyshsyz ushatyn apparatqa uqsas zat qulady. 
Keıin Batys Qazaqstan oblysynda ushqyshsyz ushatyn apparatqa uqsas zattyń tabylýyna baılanysty tekserý jumystary júrgizilip jatqany aıtyldy. 

25 naýryzda BQO-da taǵy bir ushqyshsyz ushatyn apparattyń bólshekteri tabyldy.