BQO-daǵy sý tasqyny: vıtse-premer zardap shekken aýdandar men evakýatsııalaý pýnktterin aralady
ASTANA. KAZINFORM - Premer-Mınıstrdiń orynbasary Nurlan Baıbazarov sý tasqyny jaǵdaıyna baılanysty 26 naýryzdan beri tótenshe jaǵdaı jarııalanǵan Batys Qazaqstan oblysynda júr.
Oblystaǵy birneshe ózennde sý deńgeıi birden kóterildi, onyń ishinde Oral qalasy arqyly ótetin Jaıyq, Shaǵan, Derqul ózenderi de bar. Búginde evakýatsııalaý ortalyqtaryna 1000-ǵa jýyq adam ornalastyrylǵan.
Nurlan Baıbazarov oblys ákimi Narıman Tóreǵalıevpen birge birneshe aýyldy aralap, úıleri sý basqan aımaqta qalǵan jergilikti turǵyndarmen kezdesti. Sondaı-aq Oral qalasyndaǵy evakýatsııalaý pýnktterine ornalasqan turǵyndarmen de kezdesýler ótkizildi.
Olar ystyq tamaqpen, medıtsınalyq kómekpen, birinshi kezekte qajetti zattarmen qamtamasyz etilgen. Óńirde Jaıyq ózeni deńgeıiniń kóterilýine baılanysty adamdardy evakýatsııalaýdyń ekinshi kezeńi bastalady. Basshylyq 30 myń oryndyq pýnktter daıyndady.
