BQO-da zorlyqpen óltirilgen 32 jastaǵy turǵynnyń múrdesi tabyldy

ORAL. QazAqparat – Batys Qazaqstan oblysynda zorlyqpen óltirilgen 32 jastaǵy turǵynnyń múrdesi tabyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, oqıǵa 21 qyrkúıek kúni saǵat 19.05-te Oralǵa qarasty Krýgloozernyı kenti shetinde boldy.

«Qoqys arasynan zorlyqpen óltirilgen azıat pishindes, jasy 30-35-terdegi er adamnyń múrdesi tabyldy. Keıin onyń Kaztalov aýdanynyń 32 jastaǵy turǵyny ekeni anyqtaldy. Kóp uzamaı osy asa aýyr qylmysty jasady degen kúdikpen 1999 jylǵy turǵyn ustaldy. Qazirgi kezde atalmysh derek boıynsha QR QK 99-baby 1-bóligine (kisi óltirý) sáıkes sotqa deıingi tergeý amaldary júrgizilýde», dep habarlady vedomstvodan.

Eske sala keteıik, budan buryn Oral turǵynynyń óziniń dosyn uryp óltirgenin jazǵan bolatynbyz.