BQO-da zırat eskertkishterin qıratqan balalar bolyp shyqty
ORAL. QazAqparat – Batys Qazaqstan oblysynda beıittegi eskertkish belgilerdi qıratqan balalar bolyp shyqty, dep habarlaıdy QazAqparat tilshisi.
BQO polıtsııa departamenti baspasóz qyzmetiniń ókili Darıǵa Májıtovanyń aıtýynsha, Báıterek aýdany Trekın aýylyndaǵy pravoslav zıratynda eskertkish belgilerdi qıratqan 1 jáne 2-synyp oqýshylary ekendigi anyqtaldy.
«Qazirgi kezde olardyń sany naqtylanyp jatyr. Anyqtalǵan balalar boıynsha másele kámeletke tolmaǵandar isi jónindegi komıssııada qaralady», - dedi QazAqparat tilshisine D.Májıtova.
Eske sala keteıik, budan buryn BQO-da belgisiz bireýler beıittegi eskertkish belgilerdi qıratyp ketkenin jazǵan bolatynbyz. Olar barlyǵy 14 belgini qıratyp, búldirgen.
