BQO-da jyl basynan beri koronavırýs juqtyrǵandar sany 30 myńǵa jýyqtady
BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, bul 100 myń turǵynǵa shaqqanda, 4540,5-ten keledi.
Aýyrǵandardyń 48 paıyzy (14 457) Oral qalasynda, 15 paıyzy (4448) Báıterek, 13 paıyzy (3729) Bórli aýdanynda tirkelgen.
Sońǵy aptada (2-8 qarasha) aldyńǵymen (26 qazan – 1 qarasha) salystyrǵanda, aýrý juqtyrý kórsetkishi 8,6 paıyzǵa (279-dan 255-ke) azaıdy.
Departament málimetine qaraǵanda, qazirgi kezde jasyl aımaqta turǵan óńirde 1 qarashadan beri 264 naýqas anyqtaldy.
Bulardyń 51 paıyzy (135) JRVI belgilerimen tekserilse, 27 paıyzy (72) profılaktıkalyq maqsatta qaralǵan. Sondaı-aq 20 paıyzy (53) buryn syrqattanǵandarmen baılanysta bolsa, 2 paıyzynan (4) statsıonarǵa jatqyzar aldynda synama alynǵan.
Osy aıda indet juqtyrǵandardyń 36-sy – 14 jasqa deıingiler, altaýy – 15-17, 12-si – 18-25, 54-i – 26-40, 64-i – 41-60 jas aralyǵyndaǵylar, 92-si – alpystan asqandar. ıAǵnı kópshiligi 60 jastan joǵarylar arasynda tirkelip otyr.
Eske sala keteıik, budan buryn BQO-da koroonavırýs juqtyrǵan 150-den astam naýqastyń statsıonarlyq em alyp jatqanyn jazǵan bolatynbyz.