BQO-da jyl basynan beri 600-ge jýyq órt oqıǵasy tirkeldi
ORAL. QazAqparat - Batys Qazaqstan oblysynda bıylǵy on bir aıda 598 órt oqıǵasy tirkeldi, - dep habarlaıdy «QazAqparat» tilshisi.
BQO TJ departamentiniń bas mamany Ámirjan Qadyrovtyń aıtýynsha, sonyń saldarynan 80 mln astam teńge materıaldyq shyǵyn keltirildi. Órt saldarynan 12 azamat qaza taýyp, 17-si túrli jaraqat aldy.
Oblystaǵy órttiń kópshiligi (407) turǵyn úı sektorynyń úlesine tıedi.
«Kúz, qys aılarynda aýla-qoradaǵy pishenniń otqa oranýy da jıileıdi. Mysaly, bıyldyń ózinde 2 myńnan astam tonna pishen men tabıǵı mal azyǵy órtenip ketti. Óńirdegi aýyl sharýashylyǵy nysandarynda úsh órt bolsa, sonyń ekeýi shóp, súrlem qoımalarynda oryn aldy. Mundaı órtter turǵyn úılerge, adamdarǵa qaýip tóndiredi. Órttiń shyǵýyna kináli adamdar, sondaı-aq qaýipsizdikti saqtamaǵandar ákimshilik jáne qylmystyq jaýapkershilikke tartylady. Sondyqtan munyń aldyn alý baǵytynda da tıisti sharalar júrgiziledi», - dedi «QazAqparat» tilshisine Á.Qadyrov.
