BQO-da jyl basynan beri 16 órt oqıǵasy tirkeldi
ORAL. QazAqparat - Batys Qazaqstan oblysynda jyl basynan beri 16 órt oqıǵasy tirkeldi, dep habarlaıdy «QazAqparat» tilshisi.
BQO TJ departamentiniń baspasóz qyzmetinen túsken málimetke qaraǵanda, sonyń 12-si turǵyn úı sektorynda oryn aldy. Ótken jyly osy merzimde 28 órt oqıǵasy tirkelgen bolatyn.
13 qańtar kúni saǵat 21.24-te Bókeı ordasy aýdany ortalyǵy Saıqyn aýylynda R.Egizbaev kóshesi, 10-mekenjaıynda órt bolyp jatqany jóninde habar túsken. Úı men jıhaz, jeke zattar janyp, órt aýmaǵy 100 sharshy metrdi quraǵan. Úıdiń ıesi - 1976 jylǵy azamat.
Oqıǵa ornyna 2 tehnıka, 8 adam baryp, órt sóndirilgen.
Saıqyn aýyldyq okrýginiń ákimi Meırambek Aqqalıevtiń aıtýynsha, órt kezinde úıde eshkim bolmaǵan. Qazirgi kezde ekinshi baspanasyn panalap otyrǵan úı ıesiniń sózine qaraǵanda, órt elektr symynyń tuıyqtalýynan ketken syńaıly. Olarǵa barynsha kómek kórsetiletin bolady.
Eske sala keteıik, budan buryn osy aýdannyń Saraljyn aýylynda bir turǵynnyń qora-qopsysy men maly órtenip ketken bolatyn.
