BQO-da jyl basynan beri 115 avtokólik órtendi
ORAL. QazAqparat - 18 jeltoqsan kúni saǵat 17.08-de Zelenov aýdany Mıchýrın aýylynda «Ford» shaǵyn avtobýsy órtendi, dep habarlaıdy «QazAqparat» tilshisi.
BQO TJ departamentiniń baspasóz qyzmetinen túsken málimetke qaraǵanda, Komsomol kóshesi, 86-úıdiń mańynda bolǵan oqıǵa ornyna 1 tehnıka, jeke quramnan 4 adam barǵan. Eshkim zardap shekpegen.
Qazirgi kezde órttiń shyǵý sebebi, keltirilgen shyǵyn, kináli adamdar anyqtalý ústinde.
Aıta keteıik, jyl basynan beri oblysta barlyǵy 115 avtokóliktiń otqa oranǵany tirkelgen.
