BQO-da júrgizýshi janar maı aqysyn tóleýdi umytyp ketken: Tergeý bastaldy
ORAL. QazAqparat – Batys Qazaqstan oblysynda túrkistandyq júrgizýshi janar maı quıyp, aqysyn tólemeı ketken, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen málim etkenindeı, oqıǵa Báıterek aýdany aýmaǵynda «Samara-Shymkent» kúre jolynda boldy.
«Volvo» júk kóliginiń júrgizýshisi janar-jaǵar maı quıý stansasynda 767 lıtr dızeldi otyndy quıyp alǵan da, aqysyn tólemegen. Sóıtip nysannyń ıesine 134 399 teńge zalal keltirgen.
Qabyldanǵan sharalar nátıjesinde Túrkistan oblysynyń 40 jastaǵy turǵyny anyqtalyp, ustaldy.
Atalǵan derek boıynsha QR QK 195-baby 1-bóligine (múliktik zııan keltirý) sáıkes tergeý amaldary júrgizilýde.
