BQO-da júrgizýshi avtokóligimen 63 jastaǵy áıeldi qaǵyp, mert qyldy

ORAL. QazAqparat - Batys Qazaqstan oblysynda júrgizýshi avtokóligimen 63 jastaǵy áıeldi qaǵyp ketti, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, qaıǵyly oqıǵa 14 shilde kúni saǵat 10.00-de Báıterek aýdany aýmaǵynda boldy.

«Oral-Kırsanov jolynyń 15-shaqyrymynda 54 jastaǵy júrgizýshi «VAZ-2114» avtokóligimen 1959 jylǵy jaıaý júrginshini qaǵyp ketti. Jol apaty saldarynan áıel oqıǵa ornynda kóz jumdy. Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde. Avtokólik arnaıy turaqqa qoıyldy. Tıisti saraptamalar taǵaıyndaldy», dep habarlady vedomstvodan.

Eske sala keteıik, budan buryn Oralda jol apatynan júrgizýshi mert bolyp, alty adamnyń aýrýhanaǵa túskenin jazǵan edik.