BQO-da júrgizýshi aýyl ishinde mototsıklshini mert qyldy
ORAL. QazAqparat – Batys Qazaqstan oblysynda júrgizýshi avtokóligimen aýyl ishinde mototsıklshini qaǵyp ketti, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen málim etkenindeı, oqıǵa 10 sáýir kúni keshkisin Báıterek aýdany ortalyǵy Peremetnyı kentinde boldy.
«Shamamen saǵat 19.30-da 1997 jyly týǵan júrgizýshi «Volkswagen Passat» avtokóligimen kele jatyp, Gagarın kóshesi 92-úıdiń qarama-qarsy betinde burylý kezinde «Suzuki» mototsıkline jol bermegen. Sonyń saldarynan mototsıkldi tizgindegen 35 jastaǵy júrgizýshini qaǵyp ketti. Mototsıklshi oqıǵa ornynda jan tapsyrdy. Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde», - dep habarlady vedomstvodan.
Eske sala keteıik, budan buryn BQO-da esirtkige eltigen júrgizýshi qaǵyp ketken er adamnyń kóz jumǵanyn jazǵan edik.
Sondaı-aq Oralda kópirden sekirmek bolǵan 20 jastaǵy kelinshek qutqarylǵany habarlandy.
