BQO-da júk poıyzy qaǵyp ketken er adam aýrýhanaǵa jetkizildi
ORAL. QazAqparat – Batys Qazaqstan oblysynda júk poıyzy qaǵyp ketken er adam aýrýhanaǵa jetkizildi, dep habarlaıdy QazAqparat tilshisi.
QR ІІM Kóliktegi polıtsııa departamentiniń baspasóz qyzmeti málim etkenindeı, oqıǵa 9 maýsym kúni tańǵa jýyq boldy.
Saǵat 05.00-der shamasynda Oral stantsııasyndaǵy jelilik polıtsııa bólimine Qazaqstan stantsııasynda er adamdy júk poıyzynyń qaǵyp ketkeni jóninde habar túsken.
«Temir jol boıynda jaraqat alǵan er adam aýrýhanaǵa jetkizildi. Atalǵan derek QR Qylmystyq kodeksi 344-baby 1-bóligi, ıaǵnı temirjol kóligi júrisi nemese ony paıdalaný qaýipsizdigi qaǵıdalaryn buzý boıynsha Oral stantsııasy jelilik polıtsııa bóliminiń sotqa deıingi tergep-tekserýdiń biryńǵaı tiziliminde tirkeldi. Qazirgi ýaqytta tergeý júrgizilýde. QR Qylmystyq is júrgizý kodeksiniń 201-baby talaptaryna sáıkes tergeý múddesine oraı basqa aqparat jarııa etilmeıdi», dep habarlady vedomstvodan.
Eske sala keteıik, budan buryn Oralda júk poıyzy er adamdy qaǵyp ketkenin jazǵan bolatynbyz.
