BQO-da júk kóliginiń taýar tıelgen tirkemesi janyp ketti
ORAL. QazAqparat - Batys Qazaqstan oblysynda júk kóliginiń taýar tıelgen tirkemesi janyp ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen alynǵan málimetke qaraǵanda, Samara-Shymkent kúre jolynyń 389-shaqyrymynda Syrym aýdany aýmaǵynda júk kóliginiń tirkemesi janǵany jóninde habar 6 maýsym kúni saǵat 12.20-da túsken.
Órtti sóndirýge 2 tehnıka men jeke quramnan 10 adam jumyldyryldy. Órt 15.15-te oqshaýlanyp, 18.50-de sóndirildi.
Qazirgi kezde keltirilgen shyǵyn, kináli adamdar anyqtalýda.
Syrym aýdandyq TJ bóliminiń bas mamany Ergen Tasqalıevtiń naqtylaýynsha, Túrkııadan Bishkekke bara jatqan júk kóliginiń tirkemesinde 15 tonnadaı kıim-keshek tıelgen. Júk túgeldeı otqa orandy.
Illıýstratsııalyq fotosýret
