BQO-da júk kóligi órtenip, júrgizýshi jaraqat aldy
ORAL. QazAqparat - Batys Qazaqstan oblysynda júk kóligi órtenip, júrgizýshi jaraqat aldy, dep habarlaıdy «QazAqparat» tilshisi.
BQO TJ departamenti órt sóndirý jáne apattyq-qutqarý jumystary qyzmetiniń baspasóz hatshysy Jazıra Ábdirahmanovanyń aıtýynsha, Zelenov aýdany Vladımırovka eldi mekeni mańynda júk kóliginiń janyp jatqany jóninde 18 aqpan kúni saǵat 08.28-de habar túsken.
Oqıǵa ornyna №7 órt sóndirý bóliminiń kúsh-quraldary jedel jetken kezde katýshka, kabel jáne metall turbalar tıelgen «Volvo» júk kóliginiń janyp jatqany anyqtaldy. Órt sóndirýshiler jetkenge deıin júrgizýshi zardap shegip, basynan, qoly men aıaǵynan ekinshi dárejeli kúıik jaraqatyn alǵan. Ol Oral qalasyndaǵy oblystyq aýrýhanaǵa jatqyzyldy.
Órt 09.55-te oqshaýlanyp, 11.20-da tolyqtaı sóndirilgen. «Tilsiz jaýdy» aýyzdyqtaýǵa 1 tehnıka, 4 adam jumyldyrylǵan.
Órttiń shyǵý sebebi, keltirilgen shyǵyn anyqtalý ústinde.
