BQO-da júk kóligi órtenip ketti
ORAL. QazAqparat - Batys Qazaqstan oblysynda júk kóligi órtenip ketti, dep habarlaıdy QazAqparat tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, keshe saǵat 09.09-da Samara-Shymkent joly boıynda Zelenov aýdany Pogodaev aýyly tusynda «Volvo» júk kóliginiń janyp jatqany jóninde habar túsken.
Oqıǵa ornyna №2 órt sóndirý bóliminen bes adam, 1 tehnıka barǵan. Órt saǵat 10.27-de oqshaýlandyrylyp, 14.32-de tolyqtaı sóndirilgen.
Zardap shekkender joq.
Qazirgi kezde órttiń shyǵý sebebi, kináli adamdar, keltirilgen shyǵyn anyqtalýda.
Eske sala keteıik, budan buryn Oralda avtokólik otqa oranǵanyn jazǵan bolatynbyz. Al ótken jyly óńirde 117 avtokólik órtengen edi.
