BQO-da júk kóligi avtomobılmen soqtyǵysyp, 24 jastaǵy áıel qaza tapty
ASTANA. QazAqparat - Batys Qazaqstanda aýyr júk kóligimen jeńil avtomobıldiń soqtyǵysýy saldarynan 24 jastaǵy áıel qaza tapty. Jol-kólik apaty búgin, 23 naýryzda saǵat 14.00-de Samara-Shymkent kúre jolynda Zelenov aýdanyndaǵy Mahambet kenti mańynda bolǵan, dep habarlaıdy «Moı GOROD» portaly.
Aýyr júk kóligi júrgizýshisiniń aıtýynsha, ol RF Samara jaqqa bara jatqan.
- Trassamen Samara baǵytynda ketip bara jatqanmyn. Maǵan qarsy rýlinde qyz bolǵan «Kııa» markaly avtomobıl kele jatty.
Jaqyndaǵan sátte onyń mashınasy qarsy betke syrǵyp, júk kóligin soqty, qatty soqqydan mashına jol jıegine shyǵyp ketti, -dedi aýyr júk kóliginiń júrgizýshisi.
BQO densaýlyq saqtaý basqarmasynyń habarlaýynsha, oqıǵa ornynda bir adam qaza tapqan. 24 jastaǵy áıel jedel járdem kelgenshe kóz jumdy.
Jol-kólik oqıǵasy boıynsha anyqtaýshylar jumys istep jatyr.
