BQO-da júk kóligi aýdarylyp qaldy
ORAL. QazAqparat - Batys Qazaqstan oblysynda júk kóligi aýdarylyp qaldy, dep habarlaıdy QazAqparat tilshisi.
Terekti aýdany ákimdiginen túsken málimetke qaraǵanda, oqıǵa búgin túngi saǵat 02.00-03.00 shamasynda Aqsýat aýyldyq okrýgine qarasty Poıma stansasy mańynda oryn aldy.
«Integral Trans Logıstıka» kompanııasy júk kóliginiń rýlinde Belarýs azamaty L.Nıchaı bolǵan. Bastapqy málimetke qaraǵanda, júrgizýshi kólik júrgizip kele jatyp, qalǵyp ketken sekildi. Ózi aman.
Oqıǵa ornynda polıtsııa qyzmetkerleri jumys jasady.
Aýdan ákimi apparatynyń TJ jónindegi bas ınspektory Baqytjan Esqojın qazirgi kezde aqparattyń anyqtalyp, jınaqtalyp jatqanyn jetkizdi.
BQO densaýlyq saqtaý basqarmasynyń baspasóz hatshysy Aınagúl Saqposynova oqıǵa ornyna jedel járdemniń shaqyrylmaǵanyn aıtty.
