BQO-da júk kóligi 10 tonna júgimen órtenip ketti
ORAL. QazAqparat - Batys Qazaqstan oblysynda júk kóligi órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe Báıterek aýdanynda oryn aldy.
Saǵat 19.51-de Samara-Oral kúre joly boıynda Mahambet aýyly tusynda Lveco júk kóligi 10 tonna júgimen otqa orandy.
Avtokólik Qyrǵyzstan Respýblıkasynda esepte tirkelgen.
Órt 20.37-de oqshaýlanyp, 21.21-de sóndirildi.
«Tilsiz jaýdy» aýyzdyqtaýǵa 5 adam, 2 tehnıka jumyldyryldy.
Zardap shekkender joq.
Eske sala keteıik, budan buryn Oralda avtokólik jolaýshylar avtobýsymen soqtyǵysyp, eki adamnyń aýrýhanaǵa túskenin jazǵan bolatynbyz.
