BQO-da júk kóligi poıyzben soqtyǵysyp, júrgizýshi mert boldy

ORAL. KAZINFORM – Batys Qazaqstan oblysy Bókeı ordasy aýdany Saıqyn aýylynda júk kóligi poıyzben túıisti.

BQO polıtsııa departamentiniń baspasóz qyzmetinen málim etkenindeı, oqıǵa 23 maýsym kúni shamamen saǵat 13.30-da aýyl shetinde boldy.

- Temirjol ótkelinde 1958 jylǵy júrgizýshi Shacman kóligimen júk poıyzyn ótkizbeı, túıisken. Sonyń saldarynan er adam oqıǵa ornynda kóz jumdy. Qazirgi kezde QR QK 344-baby 2-bóligine sáıkes sotqa deıingi tergeý amaldary júrgizilýde. Oqıǵanyń jaı-japsary anyqtalý ústinde, - dep habarlady vedomstvodan.

Eske sala keteıik, budan buryn Oralda avtokólik qaǵyp ketken jasóspirim qyzdyń kóz jumǵanyn jazǵan bolatynbyz.