BQO-da joldy sý shaıyp ketkendikten, birneshe aýylmen qatynas úzildi
Aýdan ákimdiginen túsken málimetke qaraǵanda, qardyń tez erýi saldarynan Shyńǵyrlaý-Aqshat-Segizsaı jolynyń birneshe jerinen erigen sý jaıylyp, erneýinen asyp ketti.
Eldi mekenderge qaýip tónip turǵan joq. Jergilikti atqarýshy organdardyń kúshimen táýlik boıy kezekshilik uıymdastyryldy.
Joldy qalpyna keltirý jumystary erigen sý azaıǵannan keıin júrgiziletin bolady.
«Qazirgi ýaqytta ol aýyldarmen qatynas joq. Aýrý adamdar, júkti áıelder qaýipsiz jerge jetkizildi. Aýyldarda azyq-túlik jetkilikti. Mal azyǵynan da tapshylyq joq. Bir-eki kúnge shydaıdy dep oılaımyz», dedi QazAqparat tilshisine aýdan ákimi Álııa Muhanbetjanova.
Eske sala keteıik, budan buryn Batys Qazaqstanda aýyl mektebine sý kirgenin, tasqyn sýdyń ótkeldi shaıyp ketkenin jazǵan bolatynbyz.
Sondaı-aq sý kirgen 25 úıdiń adamdary basqa jaqqa kóshirildi.
BQO TJ departamentinen túsken málimetke qaraǵanda, vedomstvoda kóktemgi sý tasqynyna baılanysty jedel shtab jumys jasap jatyr. Jedel jeli nómiri – 8-711-2-55-40-88.