BQO-da joldyń ústin sý basyp, kólik qozǵalysyna shekteý qoıyldy

ORAL. KAZINFORM — Batys Qazaqstan oblysynda Oral-Beles-Peremetnyı avtojolynda barlyq kólik túrleri úshin qozǵalysqa shekteý qoıyldy.

BQO polıtsııa departamentiniń baspasóz qyzmetinen málim etkenindeı, qardyń kúrt erýi saldarynan sý mol kelip, joldyń ústine shyǵyp ketken.

Qazirgi kezde avtokólikter Oral-Saratov joly arqyly qatynaýda. 

— Júrgizýshilerge jolǵa shyqqan kezde atalǵan aqparatty eskerip, qaýipsizdik sharalaryn saqtaý kerektigin eske salamyz. Bul azamattar qaýipsizdigi úshin jasalyp otyr, — dep habarlady vedomstvodan.

Eske sala keteıik, budan buryn Oralda erigen qar sýyna baılanysty turǵyndardan ótinish kóbeıe túskenin jazǵan bolatynbyz.