BQO-da joldy kútip ustamaǵany úshin 77 laýazymdy qyzmetker jaýapqa tartyldy
ORAL. KAZINFORM — Batys Qazaqstan oblysynda bıylǵy úsh aıda óńir joldaryna 744 zertteý júrgizilip, sonsha nusqama berildi.
BQO polıtsııa departamentiniń baspasóz qyzmetinen málim etkenindeı, sonyń ishinde respýblıkalyq mańyzy bar joldarda 145 (7 hattama toltyryldy), oblystyq jáne aýdandyq joldarda 263 (31 hattama), aýylishilik joldarda 335 (39), sharýashylyq joldarda 1 zertteý júrgizildi.
- Avtojoldar men jol qurylymdaryn, sondaı-aq jol qozǵalysy uıymdary tehnıkalyq quraldaryn tıisti deńgeıde ustamaǵany úshin jáne uıǵarymdy oryndamaǵany úshin 77 laýazymdy qyzmetker ákimshilik jaýapkershilikke tartylsa, sonyń 49-y – birinshi basshylar. Sonyń ishinde joldy kútip ustamaǵany úshin 72 laýazymdy qyzmetker (44-i – birinshi basshylar) jaýapqa tartyldy. Sondaı-aq qalǵan bes birinshi basshy 5 uıǵarymdy oryndamaǵany nemese tolyq kólemde oryndamaǵany úshin QR Ákimshilik quqyq buzýshylyq kodeksiniń 462-baby 3-bóligine sáıkes aıyppul arqalady, - dep habarlady vedomstvodan.
Departament deregine sáıkes ótken jyly eki myńǵa jýyq zertteý nátıjesinde 283 laýazymdy qyzmetker jaýapkershilikke tartylsa, sonyń 161-i – birinshi basshylar.
Osy zertteý nátıjeleri boıynsha ótken jyly joldarda baǵdarsham (4), jol belgileri (1 953), tańbalar, jaryqtandyrý jumystary jasaldy.
Eske sala keteıik, budan buryn BQO-da malyn qaraýsyz jaıylymǵa jibergen myńǵa jýyq turǵyn jaýapqa tartylǵanyn jazǵan bolatynbyz.
