BQO-da joldar jabylyp, aýa raıyna baılanysty taǵy da eskertý jarııalandy
ORAL. QazAqparat - Batys Qazaqstan oblysynda aýa raıynyń qolaısyzdyǵyna oraı joldar jabyldy, dep habarlaıdy QazAqparat tilshisi.
BQO TJ departamentinen túsken málimetke qaraǵanda, birqatar jerlelde burqasyn kóterilip, jeldiń jyldamdyǵy sekýndyna 20 metrge deıin jetken.
Osyǵan baılanysty respýblıkalyq mańyzy bar Peremetnyı - RF shekarasy, Qaztalov - Jánibek - RF shekarasy joldarynda barlyq kólik túrleri úshin qozǵalysqa shekteý qoıyldy.
Sonymen qatar Tasqala - Aqqýraı - Bolashaq jáne basqa oblystyq joldar da jabylyp jatyr.
«Qazgıdromet» RMK BQO fılıalynyń málimeti boıynsha qolaısyz aýa raıy erteń de saqtalady. Keı jerlerde burqasyn, tuman, kóktaıǵaq bolyp, ońtústik-batystan soǵatyn jeldiń jyldamdyǵy sekýndyna 15-20 metrge jetýi yqtımal.
Oral qalasynda da jaıaý burqasyn júrip, tuman túsedi, kóktaıǵaq bolady. Jeldiń ekpini sekýndyna 17 metrge deıin kúsheıedi.
«Qazirgi kezde turǵyndarǵa SMS habarlamalar jiberilip, eskertilýde», dep habarlady TJ departamentinen.
Eske sala keteıik, budan buryn BQO-da burqasyn kóterilip, kóktaıǵaqqa ulasatyny jóninde jazǵan bolatynbyz.
