BQO-da joldan júgirip ótpek bolǵan 62 jastaǵy er adamdy avtokólik qaǵyp ketti
BQO polıtsııa departamentinen málim etkenindeı, oqıǵa 12 tamyz kúni shamamen saǵat 22.30-da Oral-Atyraý jolynda qalaǵa qarasty Serebrıakov kenti tusynda boldy.
«1990 jylǵy júrgizýshi «Lada Prıora» avtokóligimen jol qozǵalysy qaýipsizdigin qamtamasyz etpeı, 62 jastaǵy jaıaý júrginshini qaǵyp ketti. Belgilenbegen jerden júgirip ótpek bolǵan er adam oqıǵa ornynda kóz jumdy. Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde. BQO polıtsııa departamenti júrgizýshiler men jaıaý júrginshilerge jol erejesin qatań saqtaý kerektigin eskertedi», dep habarlady vedomstvodan.
Eske sala keteıik, BQO-da áıel adam júrgizgen avtokólik aýdarylyp, jolaýshysy ekeýi kóz jumǵanyn, Oralda turǵyn úıdiń aýlasynan esirtki zerthanasy tabylǵanyn jazǵan bolatynbyz.