BQO-da joldaǵy kemshilikter úshin «QazAvtoJol»-ǵa 1,3 mln teńgege jýyq aıyppul salyndy

ORAL. KAZINFORM – Batys Qazaqstan oblysy aýmaǵy arqyly ótetin halyqaralyq jáne respýblıkalyq mańyzy bar joldarǵa júrgizilgen kóktemgi keshendi zertteý nátıjeleri boıynsha kóptegen kemshilik anyqtaldy.

BQO polıtsııa departamentiniń baspasóz qyzmetinen málim etkenindeı, shuńqyrlar men oıyqtar, joldyń shógýi, sondaı-aq jol belgileriniń bolmaýy kólik qozǵalysyna tikeleı áser etedi.

«Osyǵan baılanysty BQO polıtsııa departamentiniń ákimshilik polıtsııa basqarmasy «QazAvtoJol» UK» AQ Batys Qazaqstan oblysy boıynsha fılıalynyń atyna oryndaý merzimderin belgileı otyryp, kemshilikterdi joıý týraly nusqama joldaǵan bolatyn. Alaıda qaıtadan tekserý kezinde kemshilikterdiń joıylmaǵany, nusqamalardyń oryndalmaǵany belgili boldy. Sondyqtan atalmysh fılıalǵa qatysty QR Ákimshilik quqyqbuzýshylyq kodeksi 462-baby 3-bóligine sáıkes ákimshilik is qozǵalyp, sot tártibimen 1 mln 292,2 myń kóleminde aıyppul salyndy. Jalpy, bıyl jeti aıdyń qorytyndysy boıynsha BQO polıtsııa departamentiniń bólinisteri joldardy tıisinshe kútip ustamaǵany úshin 160 laýazymdy qyzmetkerdi, sonyń ishinde 70 birinshi basshyny ákimshilik jaýapkershilikke tartty», - dep habarlady vedomstvodan.

Eske sala keteıik, budan buryn BQO-da jol jóndeý kezinde anyqtalǵan kemshilikter joıylmaı otyrǵanyn jazǵan bolatynbyz.