BQO-da jolda qalǵan 23 sheteldik azamat evakýatsııalandy
ORAL. QazAqparat – Batys Qazaqstan oblysynda jolda qalǵan 23 sheteldik azamat evakýatsııalandy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 22 qarasha kúni Syrym aýdany aýmaǵynda oryn aldy.
Saǵat 07.06-da Samara-Shymkent kúre jolynda «Vanhool» markaly jolaýshylar avtobýsynyń synyp qalǵany jóninde habar kelgen.
TJ departamenti (2 qyzmetker, 1 tehnıka) jáne jergilikti atqarýshy organdardyń (1 adam, 1 tehnıka) kúshimen 23 jolaýshy aýdan ortalyǵy Jympıty aýylyna jetkizilip, jylytý pýnktinde ornalastyryldy. Bulardyń 21-i Ózbekstan, ekeýi Tájikstannyń azamaty bolyp shyqty.
Zardap shekkender joq.
Sol kúni saǵat 23.30-da barlyq jolaýshylar basqa avtobýspen saparlaryn jalǵastyrdy.
Solardyń qatarynda bolǵan tájikstandyq Shokır Hýjamalıev pen ózbekstandyq ıÝsýfbek Kosımov jergilikti qyzmetkerlerge jedel qyzmeti úshin alǵystaryn bildirdi.
