BQO-da jolaýshylar kishkentaı balamen birge qar qursaýynda qaldy
ORAL. QazAqparat – Batys Qazaqstan oblysynda jolaýshylar kishkentaı balamen birge qar qursaýynda qaldy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 23 aqpan kúni Oral-Saratov joly mańy, Báıterek aýdany Zelenyı aýyly tusynda boldy.
Saǵat 14.52-de «Nıssan» avtokóliginiń qar qursaýynda keptelip qalǵany jóninde habar tústi.
Shaqyrtý ornyna jedel jetken qutqarýshylar 4 adamdy jylytý pýnktine jetkizdi, olardyń bireýi – kishkentaı bala.
Jolaýshylar qar qursaýynda úsh saǵattaı turyp qalǵanyn aıtyp, qutqarýshylarǵa alǵysyn bildirdi.
Sondaı-aq saǵat 13.37-de Oral qalasy Vetelkı aýyly tusynda jedel járdem kóliginiń qar qursaýynda qalǵany jóninde málimet tústi.
Qutqarýshylar kólikti qar qursaýynan shyǵardy. Adamdardy evakýatsııalaý kezinde jaýyngerlik kıimniń belbeýin de paıdalandy. Sonyń nátıjesinde eshkim zardap shekken joq.
Eske sala keteıik, budan buryn BQO-da dadala qalyp qoıǵan avtokólikterdiń qutqarylǵanyn jazǵan bolatynbyz.
