BQO-da jol jıegine túsip ketken júk kóligi shyǵaryldy
ORAL. QazAqparat – Batys Qazaqstan oblysynda jol jıegine túsip ketken júk kóligi shyǵaryldy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 12 qańtar kúni Samara-Shymkent jolynda Syrym aýdany aýmaǵynda boldy.
Saǵat 11.00-de Oraldan Aqtóbege qaraı 200 shaqyrym qashyqtyqta kóktaıǵaq saldarynan túrik azamaty aıdap bara jatqan Mercedes kóligi 20 tonna júgimen jol jıegine túsip ketken.
TJ departamentiniń kúshimen júk kóligi saǵat 16.15-te tazartylǵan jol ýchaskesine shyǵaryldy.
Túrik azamaty ózine kómek kórsetken qazaqstandyqtarǵa alǵysyn bildirdi.
BQO TJ departamenti qutqarýshylar keńesine qulaq asyp, abaı bolý kerektigin, ásirese, aýa raıy nasharlaǵan ýaqytta jolǵa shyqpaý qajettigin eske salady.
