BQO-da jol erejesin buzǵan 3300-ge jýyq júrgizýshi jaýapqa tartyldy

ASTANA. KAZINFORM – Batys Qazaqstan oblysynda jol qozǵalysyn baqylaý maqsatynda ushqyshsyz ushatyn apparattar qoldanyla bastady.

BQO polıtsııa departamentiniń baspasóz hatshysy Nurjan Qýanǵalıdyń málim etkenindeı, bul – jol apatynyń aldyn alý baǵytyndaǵy qosymsha sharalardyń biri. 

Onyń aıtýynsha, drondy qoldaný patrýldik polıtsııa qyzmetin jeńildetip, jol erejesin buzýshylyqty tıimdi anyqtaýǵa múmkindik berip, boldyrmaýǵa septesedi.

- Bıylǵy tórt aıda basyp ozý erejesin buzǵany jáne joldyń qarsy betine shyǵyp ketkeni úshin 3 278 júrgizýshi ákimshilik jaýapkershilikke tartyldy. Qazirgi tańda, ásirese, jol apaty jıi bolatyn ýchaskelerge basa kóńil bólinýde. Túngi ýaqytta, sondaı-aq demalys jáne mereke kúnderi qala syrtyndaǵy trassalarda avtopatrýlder sany kóbeıtildi, - dedi N.Qýanǵalı.

Eske sala keteıik, budan buryn Batys Qazaqstanda jol apatynan eki oqýshynyń kóz jumǵanyn jazǵan bolatynbyz.