BQO-da jol erejesin buzǵan 1800 jaıaý júrginshi jaýapqa tartyldy

ORAL. QazAqparat  - Bıyl Batys Qazaqstan oblysynda jol erejesin buzǵany úshin 1800-den astam jaıaý júrginshi ákimshilik jaýapkershilikke tartyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen túsken málimetke qaraǵanda, jaıaý júrginshiler kóbine ótýge bolmaıtyn jerden kesip ótedi, tyıym salynǵan belgige qaramaıdy, kóliktiń jaqyndap qalǵanyn ańdamaıdy.

Sońǵy kezde jol oqıǵalarynyń jıileýi avtokólikterdiń kóbeıýine de baılanysty bolyp otyr.

Oqys oqıǵalardyń aldyn alý maqsatynda oblysta 29 qazan - 2 qarasha aralyǵynda «Abaı bolyńyz, júrginshi!» atty keń aýqymdy shara ótkizilmek.

Aıta keteıik, bıylǵy toǵyz aıda jaıaý júrginshilerdiń qatysýymen 97 jol-kólik oqıǵasy bolyp, sonyń saldarynan 10 adam qaza tapqan. 91 adam jaraqat aldy. Júrginshilerdiń kinásinen 4 oqıǵa tirkelip, 4 adam túrli jaraqat aldy.