BQO-da jol erejesin 61 ret buzǵan ózbekstandyq ustaldy

BQO polıtsııa departamenti baspasóz qyzmetinen túsken málimetke qaraǵanda, ákimshilik quqyq buzýshylyq isteri boıynsha jazanyń bultartpaý qaǵıdatyn qamtamasyz etý maqsatynda Oral qalasynda 7-30 maýsym aralyǵynda respýblıkalyq «Boryshker» jedel aldyn alý is-sharasy ótkizilip jatyr.
«Sonyń barysynda ózbekstandyq azamattyń jol qozǵalysy erejesin 61 ret buzyp, 1 mln 173 myń teńge aıyppul «arqalaǵany» anyqtaldy. Atalǵan júrgizýshi aıdap kele jatqan Reseı Federatsııasynda tirkelgen «VAZ-2110» avtokóligi toqtatylyp, arnaıy aıypturaqqa qoıyldy. BQO polıtsııa departamenti júrgizýshilerge jol qozǵalysy erejesin qatań saqtap, aıyppuldaryn ýaqtyly tóleý kerektigin eske salady», - dep habarlady vedomstvodan.
Eske sala keteıik, budan buryn Oralda jaryq sónip, baǵdarsham isten shyqqanda polıtseı kólikterge gazetpen baǵyt bergenin jazǵan bolatynbyz.