BQO-da jol apatynda bir adam qaza tapty
ORAL. QazAqparat - Batys Qazaqstan oblysynda eki jeńil kólik soqtyǵysyp, júrgizýshiniń biri qaza tapty, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa «Samara-Shymkent» jolynyń 269-shaqyrymynda 12 qańtar kúni oryn aldy.
«VAZ-2110» avtokóliginiń 1994 jylǵy júrgizýshisi kólik tizginine ıe bola almaı, «Reno Logan» avtokóligine soǵylǵan. Saldarynan júrgizýshiniń bir oqıǵa ornynda kóz jumdy.
BQO Densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, oqıǵa Terekti aýdany Podstepnyı aýylynan Barbastaýǵa qaraı barar jolda boldy. Jedel járdem saǵat 10.21-de shaqyrylyp, eki brıgada bes mınýttan keıin jetken.
1994 jylǵy er adam jedel járdem kelgenge deıin kóz jumsa, 1995 jylǵy qyz ben 1971 jylǵy er adam qalalyq kópbeıindi aýrýhanaǵa jetkizildi. 1963 jylǵy er adam men 1971 jylǵy áıel ózdigimen medıtsınalyq qyzmetke júgingen. Qazir qyz bala jansaqtaý bóliminde, qalǵandary ambýlatorııalyq emdelýge jiberildi.
Eske sala keteıik, budan buryn 12 qańtar kúni boranǵa baılanysty oblysta joldardyń jabylǵanyn, al Atyraý-Oral jolynda jol apatynan 32 jasar júrgizýshiniń qaıtys bolyp, 5 adamnyń jaraqat alǵanyn jazǵan bolatynbyz.
