BQO-da jol apatynan júrgizýshi mert bolyp, 3 adam jaraqat aldy
ORAL. QazAqparat – Batys Qazaqstan oblysynda jol apatynan bir adam qaza taýyp, úsheýi jaraqat aldy, dep habarlaıdy QazAqparat tilshisi.
BQO polıtsııa departamentiniń baspasóz hatshysy Bolatbek Belgibekovtiń aıtýynsha, oqıǵa keshe Bórli aýdanynda bolǵan. Aqsaı-Jympıty jolynyń 57-shaqyrymynda «VAZ-2107» jáne «VAZ-21014» avtokólikteri soqtyǵysty.
Saldarynan «VAZ-21014» avtokóliginiń júrgizýshisi kóz jumdy.
«Barlyq saraptama taǵaıyndaldy. Qorytyndysy keıin habarlanady», - deıdi B.Belgibekov.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń sózine qaraǵanda, jedel járdem saǵat 19.07-de shaqyrylyp, brıgada 10 mınýttan keıin jetti.
Jıyrma alty jastaǵy jigit oqıǵa ornynda qaza tapty.
Aldyn ala málimet boıynsha, jabyq bas-mı jaraqatyn alyp, mıy shaıqalǵan 23 jastaǵy jigit, 1986 jáne 1960 jyly týǵan er adamdar aýdandyq aýrýhanaǵa jatqyzyldy.
